غريق

 ده عشم العطاشى في ريقك .. 

وانا غريقك .. 

والدنيا صبحت مطرة .. 

والمطرة زي الصهد .. 

ما بترويش حد .. 

سرقو من وطنا الشهد .. 

وانتي سرقتي أيامي  .. 

وانا مسامح .. 

بس سيبيلي يوم واحد يكون الأخير ليا .. 

ويكون معاكي .. 

هناك بعيد .. 

تبقي غنيمتي قبل الفراق والباقي مني يكون غنيمتك .. 

ده اللي فات عمره ما مات .. 

واللي باقيلي بعدك ادماني للسكات .. 

كل كلامي في بعدك مش حيتفهم .. 

واللي ميتفهمش هنا بيكون متهم .. 

مع انهم كلهم مش واضحين ..  رغم ان كلهم طين .. 

طين بيذل طين زيه .. 

مساكين .. 

سيبك .. 

واياك تقولي مش نصيبك .. 

عمرك ما حتعرفي النصيب طول ما الحياة فاضل فيها نفس  .. 

الا صحيح .. 

فاضل كام نفس؟ 

25

 الذين ولو وجوههم شطر الإبتسامة ..

فانشطرو ..

وكل شطر يبكي الآخر ..

الذين ضل طريقهم نحو انفسهم .. وتاهو في صحراء الآمال ..

 ضلو وما استظلو  ..

والقو في غيابات السراب .. 

وتاه عنهم كل السيارة .. 

الذين لا تبلغ اصواتهم افواههم .. 

وجفت لغاتهم ..

وسكنت ارواحهم ..

وما سكنت اعماقهم ..