بكرة القمر يكمل .. بكرة الحياة اجمل

الخميس، 16 يناير 2014

.

لما فكر يشتري عربية اشتراها سودة ..

قالوله اشمعنى اخترتها سودة ..

قال عشان ف الجنازات لونها يكون مناسب ....

السبت، 11 يناير 2014

يظنون !

يظنون دائما انني ذلك الرجل السئ

ارى ذلك في اعينهم وفي تصرفاتهم وفي كل شئ يجمعني بهم

يؤسفني جدا ان اخيب ظنكم

لست هذا الرجل السئ .... انا اسواهم على الاطلاق

الجمعة، 3 يناير 2014

*

زي شوق .. واخدني فوق

زي طوق على جبينك ..

ونفس الطوق .. كان طوق نجاه ..

لاجل ما اعدي واجيلك ..

الخميس، 2 يناير 2014

.

زي يوم بينتهي ... وعادي زي كل يوم

بس كان مليان غيوم

وحبة مطر غسلو الشجر

داب الحجر

قلبه انفطر

وانتو لسة محسيتوش !!!

الأربعاء، 1 يناير 2014

*

تقول الاسطورة .. غبي من يصدقني ..

الاسطورة الوحيدة انتم تعيشونها ..

.

اللهم اجعلهم ورثتي ولا تجعلني وريثاً لهم ..

الثلاثاء، 31 ديسمبر 2013

*

انا الوان الطيف ..

لما بتتجمع فعلا كلها بتخلق لا شئ

اللي مجازا يطلق عليه اللون الابيض !

الأربعاء، 25 ديسمبر 2013

عن سؤال انت مين ..

عن سنين اللي يعرفني بيسال انت مين ..

انا شوفتك اكتر من حد وكذا شئ ونقضيه انت مين فيهم ..

انت مراوغ !!

وعن آخر اجابة ..

مراوغ ؟

لا انا مصري

بس من اللي شايلين الهم

مش اللي ماشيين زي ماتيجي
اللي بيدور عالضكحة يفرح

ييجي البكا يبكيه
يحاول وسط البكا يضحك

يبكي الضحك معاه

يغضب

وضحكة طفل تهدي ثورته

وهم غيره يخليه حكيم بيوصف دوا للهم

وغيره ده يقوم يرقص

ياخد هو نفس الدوا يموت مسموم

انا مش ملاك ومش عايز ابقا ملاك

لكن املي اعيش انسان

في ايه ف الدنيا ماشي مستقيم
يخليني امشي زيه ومراوغش ان كان الحكم عليا اني مراوغ !

اخر رد لسؤالك ان مراية اي انسان بيعاملني

حيشوفني كويس ومحترم فده لانه بيتعامل كويس وباحترام

حيشوفني غير كدة فحكون مرايته بردو

انا رد فعل دايما ولست فعل

السبت، 21 ديسمبر 2013

*

وانا الجانب اللي مستخبي ف شخصيتِك اللي لسة معرفتيهوش : )

بس انتي لسة مجيتيش : )

الجمعة، 20 ديسمبر 2013

انتهى !!

متزعلش منه يابني .. انت عارفه طيب ..

ومتزعلش من تكشيرته ..

هو بس الكل حواليه ابتدى وانتهى ..

وهو لسة ...

بيستهجى البسملة ..

الخميس، 19 ديسمبر 2013

حد الرجم !

يا بلد الحب فيها جنان ..

واللي اشترى قالو خان ..

واللي صانها مات عطشان ..

واللي خانها قالو صان ..

يا بلد بتدي سارقها الامان ..

وتنفذي ...

حد الرجم عالغرقان !!

|

وضعتي كل الاجابات قبل ميلاد السؤال ..

وصغتي وحدك كل حروف المقال ..

وامليتي عليا كل ما يقال ..

اذا .. دعي عنكي السؤال

كل المراد محال

الأربعاء، 11 ديسمبر 2013

ومسيره يِكمل بردان !

وكل حلم القمر حبة دفا ..

بس اتحكم عليه بسجن الليل ليوم الدين ..

يحرم عليه النهار ..

ويحرم عليه الدفا ..

ومكتوب عليه يموت ما يشوف طفله "الصبح " بيتنفس ..

وبيرجع تاني ف ليله يحلم ..

لما ينتهي الليل ..

اعترافات ليلية ..

سانتظر النهار لادلي بها ..

السبت، 7 ديسمبر 2013

بيقولو ..

بيقولو عليا اتجنيت .. واعقل ليه يا ولاد التيت !

الجمعة، 6 ديسمبر 2013

نص بيغرق والتاني غرقان !

يوماً ما جائتني مبتسمة ..

وجلست على حافة هذا البيانو ..

ورسمت لي قلب ب أحمر الشفاة ..

نظرت اليه غير مبتسماً ..

علمت ان لحنها القادم سيمزق هذا القلب نصفين ..

وقد حدث ..

الجمعة، 29 نوفمبر 2013

الجمعة، 22 نوفمبر 2013

في الجنة يا شهيد

رصاص ميت يصيب ميت فتخرج روحه .. يصبح حي : )

الأحد، 17 نوفمبر 2013

وحشتيني

وحشتيني ..

ومش عيب ولا جريمة ..

ولا عديت حدود ..

ده انا واقف عالحدود .. من سنة ..

لا قادر ارجع ولا قادر اوصل ولا حتى طولت اكون شهيدك ..

الأربعاء، 13 نوفمبر 2013

الحرامي والعبيط

ده المكان اللي حيريحك مالدنيا وقرفها

اصل انت يابني ملكش تعيش مع ناس صاحية عمالة تاكل ف بعض

صدقني محدش حيرحمك .. ولا الحكومة ولا البلطجية ولا حتى كلاب السكك

انت يلزمك تعيش مع ناس ساكتة مبيتخانقوش مع بعض ولا حتى بيتكلمو مع بعض ... هو ده احسن مكان تعيش فيه ...

*

هي طفلة لم تعرف الدنيا بعد ...

غير قادرة علي استيعاب وجه حبيبها وهو ينظر اليها وفيه علامات الميلاد والميعاد وكل علامات السعادة معا ...

طفلة وستظل !!

الاثنين، 11 نوفمبر 2013

انزل من فوق شوية : )))

وطن انه بالطين يتسخ

فهل تفكرت يا طين مما خلقت !!

الثلاثاء، 29 أكتوبر 2013

.

الحب في قاموسهم ... ورقة فارغة من الكلمات ..

الا من كلمة واحدة ... مات !

الخميس، 3 أكتوبر 2013

: )

قولتلها اختاري اسم اناديكي بيه غير اسمك

بصت ف السما وقالت .... هديل !

الأحد، 15 سبتمبر 2013

حاجة كدة !

حاجة كدة زي اللي فات ..

زي الحاجات !

زي اللي عاش واللي مات !

وما بينهم حبة آهات .

حاجة كدة زي المراحل ..

يوم اللقا .. قال اني راحل ..

حاجة كدة "متتوصفش .. متتكتبش" ..

حاجة كدة تشبهلك !

الخميس، 18 يوليو 2013

إبكي ..

ابكي يا صغيرتي ..

ابكي على جسد يتقطع وكل قطعة منه شريدة تضحك ..

لا تساليني كيف تضحك وهي تُقطع ..

فحينما يفوقون من سكرتهم سيبكون جميعا ..

ابكي على قوم رضو الذل وحاربو عزتهم ..

ابكي قبل ان ينفذ البكاء ولا يبقى الا الصراخ ..

محمد علاء

الأحد، 7 يوليو 2013

ثم انك ..

ثم انك قبل ليلة

كنتي قصتنا الجميلة

كنا غنوة باسامينا ..

وحلمنا كان دبلتين ..

ثم انك بعد ليلة

حتبقي قصة مستحيلة

الاغاني حواليكي ..

باسمك بتنادي عليكي ..

وبعد اسمك نادو اسمه

وابتدت ليلة جديدة

بعد لبس الدبلتين ..

محمد علاء

السبت، 15 يونيو 2013

الاثنين، 27 مايو 2013

السبت، 25 مايو 2013

الخميس، 23 مايو 2013

الى طفلة كبيرة لا اعرفها ..

انا كل الوشوش اللي مريتي بيها ..

كل الصور اللي شوفتيها ..

انا انينك وسط الزغاريد ..

انا ضحكتك وسط البكا ..

ودمعتك في الابتسامة ..

وغنوتك وسط الجروح ..

وجنة نارها عطشانة !!

انا شروقك هناك من غربك !!

وانا بدايتك .. وآخرة صبرك ..

وانا تاريخك ..

وانا قيامتك !!

انا نبض قلبك بعد الحياة ..

وصوت سكوتك وقتها ..

وحالة السكون قبلها !!

انا لحظة عيشتي فيها سنين ..

وسنينك اللي عدو قوام ..

وانا حنينك لبكرة قريب ..

وبكرة اللي عدا خلاص !!

انا جنونك ..

ومجنونك ..

محمد علاء

21/5/2013

الجمعة، 10 مايو 2013

شهرزاد ..

اليوم ادركت السر من امتلاك شهريار السيف وامتلاك شهرزاد للحيلة

فعندما اعطيت شهرزاد السيف

وعدتني ب 99 ليلة

اختصرتهم في ثلاثة !!

جمعت اول ثلاثة وثلاثون ليلة في ليلة رفعتني بها الي السماء

والثلاث والثلاثون الثانية جمعتهم في ليلة تركتني فيها اهوى من السماء

والاخيرة اغتالتني ..

فعندما تملك شهرزاد السيف تفقد صبرها وحيلتها .. فهي قاتلة بالدرجة الاولى

وحيلتها سلاحها الآخر ..

اياك ان تمنحها السيف !!

محمد علاء

10/5/2013

السبت، 30 مارس 2013

قصائد الصمت .. من وحي صراخ لم يخرج ..

اصمت يا عزيزي ولا تتحدث ..

ولا تنظر الي .. فالعيون تنطق ..

ولا تبكي فللبكاء صوت ..

ولا تئن فللأنين صوت ..

ولا تبتسم فابتسامتك تتتكلم ..

لا تنام فالاحلام ايضا تتكلم ..

ولا تسير فللخطوات صوت ..

ولا تفكر ف للافكار جناحات .. ولللجناحات صوت !!

لا تنتظر فللانتظار آهات ..

ولا تتجاهل .. ففي التجاهل احتضارات !!

لا تعش فللحياة ضجيج ..

ولا تصمت ففي الصمت صراخ وبراكين وزلازل ورعدٌ وبرق ..

الجمعة، 22 فبراير 2013

تلك التي

تلك التي غابت .. وغابت وغابت ..

ثم قَتَلت ثم عادت ..

ففتحت ذراعيها ونادت .. !!

ثم قالت ..

سابيعك ما مضى من غيابي بضمة ..

فضمتني بين ذراعيها ..

فبكيت ثم صرخت .. ثم مت لقرون ٍ من الزمن ... ثم عدت ..

ثم تالمت ثم شهقت .. ثم نظرت لوجهها فابتسمت .. ثم ضحكت ..

ثم هدأت فسكنت فاسترحت ..

ثم قلت ...

غيبي الف عام وعودي ...

ساشتريها بضمة ..

محمد علاء

الاثنين، 18 فبراير 2013

بعض من ..

قد كرهت الاغاني ولم اكره الغناء ..

فانا اغني وانت تغني وكلٍ يغني على هواه ..

لا تعد قرائتها .. فقد قصدتها ..

فماذا جنا قيس من ليلاه !!

ان الهوى سم ... وسمه شقاء

وليس كل عليل في السم له شفاء !!

وان الهوى غزوٌ راياته سوداء ..

وان الغازي بمن غزا ولو قتله .. براء ..

وان الحب سهم .. لو يصيب ..

كالمس من جان .. ليس منه رجاء ..

والحب في الارض بعض من موتنا..

يحيينا بشروقٍ ... ويشيعنا رفاتً في المساء ..

محمد علاء

الأحد، 17 فبراير 2013

طُهر ..

اعرف رجلا ضل طريقه ..

اراد ان يصلي ركعتين فلم يجد ماءا يتوضأ ..

فمر بِكي ...

مس جبينك ... فتطهر !

محمد علاء

الأحد، 7 أكتوبر 2012

آخر شتا ..

الانسان فينا بطبعه .. بيميل للدفا

طب ليه نكدب نقول ... بنعشق الشتا !!

ده انا موتي تحت الشمس

اهون كتير مالبرد ..

مبقتش طفل صغير .. يفرح بشكل البرق !!

يرجفني صوت الرعد

يشبه حنين البعد ..

يشبه احساسي بيكي لحظة رجوعنا لبعض !!

حاسس سؤال جواكي ..

عن عشقي للشتا ..

وايه اللي فيا اتغير

خلاني بقيت كدة !!!

.

.

.

.

.

.

.

.

آخر شتا كان له نحيب

يشبه نحيب صوت دمعتك ...

محمد علاء

6/10/2012

زوروني

الخميس، 4 أكتوبر 2012

قولو لواصفين الجمال

يعيدو تاني التعريف

ده اللي ميغنيكيش ف وصفه

ده عاش حياته ف تزييف

واللي ميرسمكيش ف رسمه

حافظ اصول التحريف

وريهم بس طلتك

وخبي منهم بسمتك

ده نورها لو شافه العيون

حتعيش بتحلم جنتك ..

محمد علاء

3/10/2012

الأربعاء، 3 أكتوبر 2012

في الحقيقة ..

الخير لا ينتصر دائما

فهو قليلاً ما ينتصر وان حدث ياتي ذلك بعد انتصار الشر لفترات زمنية كيرة ..

لا احب تلك الافلام التي تجد فيها الاشرار منتصرون وينتهي الفيلم بانتصار بعض

الحمقى الذين يمثلون الخير .. اخيرا

لذلك احب جدا افلام
كمثال fast and furious

فهناك ينتصر الاشرار دائما .. وتراهم وتستمتع ايضا بانتصارهم !!

فهذا اكثر تجسيدا للواقع ..

محمد علاء 2/10/2012

الاثنين، 1 أكتوبر 2012

وازاي في شعري اوصف جمال شَعرك

ده انا لسة بستهجا الميم

ف اول موجة قابلتني

وقلبتني مشوفتش شط !!

محمد علاء

1/10/2012

الاثنين، 24 سبتمبر 2012

برنامج حجب اعلانات قوقل .. لنصرة الرسول صلى الله عليه وسلم

نقلا عم موقع زيزوم للامن والحماية

بسم الله الرحمن الرحيم
السلام عليكم ورحمة الله وبركاته

بـ أبي وأمي أنت يارسول الله ( صلى الله عليه وسلم )

الآن ياقوقل .. لو انزل مقطع عن تكذيب محرقة اليهود
عندها سوف تحذفون الرابط وتحذفون حسابي !!!

اما التطاول على خير البشر فـ الأمر حرية شخصية !!

لفت انتباهي حملة مقاطعة لمدة يومين لمحرك بحث قوقل وموقع اليوتيوب الخاص بهم

هل هذا هو أحسن رد على شركة قوقل ؟؟

كلاا والف كلاا

اين مصلحة شركة قوقل

100% مصلحتها في عرض الاعلانات

وهذه الاعلانات تظهر على أغلب مواقع الانترنت

حتى ننتصر للرسول صلى الله عليه وسلم
يجب علينا
حجب اعلانات قوقل من جميع المواقع + اعلانات موقع اليوتيوب

وبحول الله يكون لنا أجر كبير بنصرة الرسول صلى الله عليه وسلم

وايضا نتخلص من الاعلانات المزعجه

عملت برنامج بسيط يقوم بحجب هذه الاعلانات

اللهم شغل البرنامج واختر تثبيت الحجب

الحجم : 950 كيلوبايت
التوافق : جميع أنظمة التشغيل ويندوز ( 32 بت و 64 بت )

رابط التحميل

انصر رسولك صلى الله عليه وسلم
وذلك بنشر رابط هذا الموضوع بالمنتديات وتويتر والفيس بوك

وباقي مواقع التواصل الالكتروني