ميلقاكيش في السما !

جواكي كان .. لكنه وقت عرضه اختفى ..

المستخبي شئ اصلا موجود … ايوة قمر .. لكنه انطفى ..

المشهد كان محتاج ابتسامتك ..

الدنيا كانت ضلمة .. مكفاش النهار كله يملا مكانك ..

وردة في قلب الربيع .. 

ازاي قلب الربيع من جليد .. !

غمض عيونه .. إتمنا العما ..

ازاي يبص فوق ميلقاكيش في السما !!

اللحظة مرت بدونك .. رغم انك هنا ..

محتاج قوتك لكن …

قتلتني قسوتك .. !

لما بكيت بس ابتسمتي ..

كأن دمعتك في احتضاري .. تعني اتهزمتي !

شوية وهم !

زي السحر ..

تملا المكان من غير ما تحس ..

تملا الحياة من غير ولا حس ..

يبدأ صوتها زي همس ..

تدندن زي الطيور .. بردو من غير ما بيها تحس ..

مش شايفها .. مش عارفها .. ولا عارف جات منين ..

ويبقا صوتها زي الهوا ... اول ما يسكت همسها ..

يموت طعم الحياة .. طعم المكان .. يموت طعم الدندنة !!

****

ويسألوك ليه السكات ..

ليه الهروب .. 

من اللي جاي واللي فات ..

ليه ..

ليه رافض كل الحاجات ..

وكل واحد منهم مبتسملك ..

وكاتب اسمك في اول قايمة الاغتيالات ..

فيها انا !!

فيها الحياة ..

وفيها الغرق ..

وفيها الموت .. 

وفيها النجاة ..

فيها الشقاء ..

فيها النقاء ..

فيها كل اللي فات ..

فيها كل اللي جاي ..

.

.

فيها الوقت ..

فيها توهت ..

فيها .. انا دلوقت !

m.a

ولسة العناق !!

انا والموت شطرين القصيدة .. طرفين معادلة مبتنتهيش ..

ساعات اقابله .. وكتير بفارقه .. لكن العناق بينا .. مفيش !

اسال عليه .. انده عليه .. يرد الصدى مش دلوقت ..

اضيع في الحياة .. مملش نداه .. ويجيله رده .. جوابه صمت !

انا الطرف والتاني مكانتش اختياري ..

لما غيبتي انتي اصبح طرف اجباري !

وانتي مجيتيش عشان تكوني غايبة ..

اصبح هو المراد عشان انتي مجيتيش !!

ولسة العناق بينا ..

m.a

جُرم !

يتهمونه بالانعزال عنهم وعن الناس ويستغربون ذلك فيه ..

لقد عزلتموه انتم منذ صرخته الاولى وهو وسطكم ..

كان لاشئ .. كان كانه شفافاً لايراه احد ..

لم يكن حينها اختياره ..

فحين اختاره بنفسه اصبح متهم !!

انتم الجرم وانتم الجريمة ..

وهو الجرم الملفوظ من كل الاجرام حتى خلا بنفسه فلفظكم ..