!

مفقود

انا مفقود من يوم ولادتي..

ولسة البحث عني جاري.. 

لسة بيناديني جاري.. 

ويقولي شوية نصايح.. 

جاي احلى م اللي رايح.. 

بكرة اكيد حتبتسم.. 

كل الجراح حتلتئم.. 

وكله حيبقا ف السليم... 

جاري عايش فيلم قديم.. 

بطل وبطلة وشوية دراما على شجن.. 

ومشهد نهاية.. 

ياكل البطل شفايفها.. يشبع البطل للابد ..! 

احنا بنتاكل كل يوم.. 

واللي بياكل عمره ما شبع.. 

لا السلطان شبع.. 

ولا الحبيب ولا الصديق.. 

الخيانة بقت روتين.. 

والنفاق ملة ودين..

والكواكب ضلمت.. 

والالم أصبح مداري.. 

ولسة البحث عني جاري.. 

ولسة بيناديني جاري..