من كافكا

 من كافكا إلى ميلينا ..
من بغداد إلى أثينا .. 
من بيروت إلى فيينا .. 
وإلى ما تبقى فينا ..
نكتب .. 
حيث العالم يتداعى والقلوب تتهاوى .. 
نكتب لمن أصبحوا حطامًا بشريًا ورمادًا إنسانيًا .. 
ولا يغرنكم شهيقًا أو زفيرًا .. 
نكتب لنترجم صرخات كتمت ولو نطقت لثارت براكينا .. 
لمن راودتهم أحلامهم بأنه الفردوس ووجدوه جحيما .. 
إلى من أرادوا فقط الحياة وما أستطاعوا إليها سبيلا .. 
إلى كل من إذا حاولوا الابتسام صار بكاءًا ونحيبا وعويلا .. 
إلى من اعطوا بلا حساب وحينما احتاجوا ردوهم خائبينا .. 
إلى من عفوا كلما قدروا وإن أرادوا العفو جلدهم الجميع حتى العاجزينَ .. 
إلى من تمزقوا 
إلى من تمزقوا
إلى من تمزقوا
وما التكرار سهوًا .. ولكن هل تدرون حال الممزقينا  .. 
إلى كل من لم يجدوا من يكتب عنهم ولهم .. 
إلى المشردين والحالمين والساخطين والعاشقين والعابرين والحائرينا .. 

• 
  

 

أقف عندك ..

يافتاح يا عليم عالصبح .. فيه إيه ..

إنت متهم بثقب طبقة الأوزون ..

اوزون مين ياعم أنا معرفش حاجة إسمها اوزون ..

إنت ثقبت الأوزون وممكن نخليك تعترف بنفسك ..

طيب ياسيدي الأوزون ده حاجة حلوة ولا وحشة ..

حاجة حلوة طبعاً ..

تبقا مش موجودة في مصر أكيد يبقا حبوظها إزاي 😌

ماحنا عندنا دلايل إنك إرهابي دولي ..

طيب يا سيدي أنا بوظت الأوزون حاجة تانية 🙄

وإنت إللي اغتالت فرانز فرديناند ..

وماله ..

وإنت إللي قتلت إبراهام لينكولن ..

أكيد طبعا ..

وقتلت ألكسندر التاني ..

والتالت والرابع يا باشا كمان ..

إنت بتهزر ؟

وأنا اقدر 🙄

ومتهم باغتيال غاندي ..

معلش يا باشا كانت ريحته وحشة ومش بيستحما 🙄

وإنت اللي عملت تسونامي ..

أصلي قعدت يومين مزنوق يا باشا ومش لاقي تواليت 😑

وإنت إللي غرقت تايتانيك ..

معلش جت في سكة تسونامي يا باشا 🙄

وإنت إللي قتلت هابيل ..

في دي بالذات عندك حق ..

كلنا قتلناه

معها

معها كل الأشياء جميلة .. 

وبدونها كلها .. 

أشياء  .. 

قلب الزهد

طب فاضل اد ايه وتوصل لقلب الزهد .. 

ترمي المرار والشهد .. 

تنسا اللي خانو العهد .. 

تزهد سماها وارضها ..  

وبحرها وبرها .. 

كل نفس داخل وطالع .. 

كل صورة وكل شارع .. 

كل ثانية من ماضيك .. 

كل اللي لسة مستنيك .. 

مش كل توب لامع نضيف ..

في جوة منه قلب نابض .. 

بس اللي باقي لسة شارع

وفي كل شارع الف شارع .. 

امتى اللي طالع ينازع .. 

يرمي الوداع وميجيش ..

6/1/2016