آخر ايام حياتي .. !!

عشان انتي اللي كنتي ليا البعث بعد الموت ..

وعشان انا اللي كنت تايه في الجنة !!

اللي مدونيش منها غير نارها !!


عرفت ان الجنة تحت غير الجنة فوق ..

الجنة هنا عشان تتمتع بنعيمها لازم تدفع التمن ..

ولو معاكش التمن يبقا نصيبك صهد وحريق ..

خدتي نصيبك منها زي ما خدت

وشفنا نعيم جنة الارض في صدفة جمعتنا ..



كل شئ اتحرمتي منه .. لقيتيه عندي !!

وكل شئ خوفت منه ... نسيته معاكي ...


طلعنا سوا لاعلي مكان في الدنيا وشوفنا الدنيا من فوق..

كاننا طايرين سوا ..

شيلنا الابتسامات المزيفة كلها .. وابتسمت الفرحة في عينينا

ضحنا علي نفسنا وافتكرنا ان اللي جاي من بعيد بيضحكلنا ..

ولما قرب مننا وظهر لعيوننا ..










دفعنا تمن

اول .... وآخر ابتسامة