سمرة

سمرة هي زي حلم جه ف يوم ومشوفتهوش ..

زي ليل حزين طويل قابله فرحه مهمهوش !!

نورها ساطع من سمارها ..

ليلها بيعاكس نهارها ..

لما طلت يوم لقانا ..  اختفت كل الوشوش 

عيونها كون مليان براح

فيه اللي جاي واللي راح

فيها قصص قبل الطوفان

وفيها حتعيش الطوفان ..

وفيه حتلاقي الامان ..

وكل قصة بتنتهي 

تهمس تقولك .. كان ياماكان !!

شعرها كان قِصة منهم .. عمرها ما حتتفهم

كل قُصة عالجبين .. تطير تهفهف تترسم

وكل قَصة تزيدني حيرة !!

ده انا ف الحقيقة ..

وبتوهم .. !