عروســــــة الزمن: الطفولـة البريئـة بنت أمــورة بضفاير ماسكـــة عروســة تمشط لهـا و تبوسهـا تحضنهـا و تأكلهـا بنت أمــورة بضفاير معاهـــا عروســة بريئـــة كلها مشاعر رقيقـة و براءة مالهاش حدود بنت أمــورة بضفاير معاهـــا عروســة جميلــة جواهـا مشاعر جميلــة .. و حاجات حلــوة كتيــرة!!!
مســـدس ولد منعكش مفرفش عليه ضحكة تجلجل مكشر مشاكس كسـوف دلـوع يخاف من خياله .. يتـدارى ورا ماماته شقي و شعنون .. طيب و دمعته على طــول باباه جابله مســدس .. حبـه و قـال ياحالولي باباه قاله عايزك ظابط كبيــر .. عايزك كبيــر و خطيــر!!!
عروســــــة بنت أمــورة بضفاير حبيبــة بـابـا و دلوعــة مـامـا وضي عين ستــو و تيتــــة مصاصاتهـا و لعبهـا و لبس كل يــوم عليها بوسـة تهبـل بشفايفهــا اللي زي الملبن عينيها عسلي و سكر و كمــان بالقرنفل بنت أمــورة بضفاير عايزة تتمرجح و تلعب شايفه الدنيـا بمبي زي سعاد لمـا تغني!!!
مســـدس ولد بيتعاقب .. و يسكت بيتضرب .. و يعيــط يتحكي له حكايات تخـوّف من اللي مايسمعش كلام داد و مام غصبـًا عنه بيغلط .. هو مافيش حد بيغلط؟؟؟؟؟؟؟ ده مهما كان ولـد صغير و أمـــور يتحبس لوحـده في أودته .. يتحـرم من اللي يحبه ؟؟؟؟؟؟؟؟ ولد منعكش و مفرفش ماعندوش الا المســدس يخبـط على الحيـط و يصـرخ لكن ماحـدش بينطق!!!
عروســــــة بنت أمــورة بضفاير راحت المدرســـة قعدت تلعب مع بنات شبههـا كويســة دخلت لهم أبلـــة حلــوة علمتهم المزيكا وحكايات ألف ليلــة و ليلــة حبـوهـا وحبتهـم و بعـد فتـرة سابتهـم دخلت لهـم أبلـة حفيظــة بالعصايـا الغليظـــة
مســـدس ولد يعني راجل حتى لو 7 سنين ولد يعني ماتعيطش .. ماتتكلمش .. ماتصرخش ولد يعني استحمل .. يعني تسمع .. يعني تنفـذ ولد يعني خناقات مع أصحابــه .. و شتايـم مع جيرانـه ولد يعني مرحلـــة مبكــرة أوي نجهـزه للي جـاي ولد يتفرج على مصارعـة على كــورة على أكشــن ولـد يدخـل النـار .. و يبقى حمـار .. لـو حن أو طــار!!!
عروســــــة بنت يعني عيب يعني حــرام يعني مايصحش بنت يعني تتكسف .. يعني تسكت .. يعني تخرس بنت تدخل أوضتهــا تنــام تسعـة و تصحى سبعـة بنت يعني مافيش خـروج .. مافيش شبـاك بنت يعني مـامـا و بـابـا و بس و مالنـاش دعـوة بذاك بنت مالهـاش ألا بيانـو و قصايـد و قصص بتحلم كل يـوم .. بتــرق كل يـوم حاســـة إنهــا فراشـــة في الجناين بترفـرف حاســـة إنهــا مـلاك في الجنــة و يـاك شايفـــة حصانهـا الأبيض ويـاه فارس مزئطط نفسهـا تشوفه و تمشي لأي حتـة مابتنامش!!!
مســـدس ولـد مابيهداش من جـواه .. له طاقـة و غضب عاوز يكسر و يدشدش .. كلـه تمـرد و تهـور صوته عالي في البيت علشان هـو راجـل البيت زي الإعصـار بيدمــر اللي مابيقفش ولا ينـدور عاوز ينطلق و يطيــر!!! نفسه في حـد يربطـه .. حـد يهديـه .. حـد يحن عليـــه شايـل الهــم من صغــره نفسه يهـوّن على نفسه!!!
عروســــــة بنت بتكتــــم دمعتهـا عشـان بتـودع طفولتهـا بنت بقت عروســة زي لعبتهـا العروســة بنت بتحط وشهـا في الأرض لو حـد عاكسهـا من على الأرض مامتها بتصرخ كنتي فين الغـدا جاهـز مامتها قلقانـة عليهـــا دي ضناهـا وعينيهـا بتسمع حليــم و جاهين .. بتقــرأ لإحســان و يوسف شايفه نفسها دكتـورة أو مهندســة قد الدنيــا بس مامتهـا عايزاهـا حاجـة تانيــة عايزاهـا زي العروســة!!!
تلف السنين و الأيـام لكن قدرهـم و لا على البــال رمت العروســة من زمــان لكنه لسه شايـل المســدس كمــان قابلوا بعض في الحـال وعرفوا إنهـــم لبعض ضربها .. زعقلهـا عيطت .. و بصت له عرفت تاخده من إيــده .. حست بالحــرارة في إيــده عرف يطلع اللي جـواه .. عـرف يخفف اللي جـواه عيطت .. و عيـّـط ضحكت .. و ضحك قال لها أنـا تعبـان و عايــز أستريح قالت له أنـا معـاك و مش هاسيبك تروح أخدهـا بالحضن و حست باللي جـواه أتاريهــم مكانوش عارفين إنهـم لبعض متلاقين إنهـم تايهين من زمـان و هلكانين حسسها بأنوثتهـا ورقتهـا .. و زرع لهـا وردتهـا حسسته برجولتــه وشهامتــه .. و زرعت له تفاحتــه مشيوا واحـــد كأنهـــم واحـــد و أدي حدوتـــة العروســة .... و المســدس!!!!
منقول عن العضوة الجميلة ~*Cinderella*~
منتدي ايجي فيلم
هناك تعليقان (2):
حلو كتير يا محمد بجد رائع
إرسال تعليق